- Hierdie boek is ’n verkorte weergawe van beroemde motiveerders se riglyne om suksesvol te wees in wat jy wil doen.
- Dit gee vir jou die basiese beginsels van sukses om jou doelwitte te realiseer.
- Dit inspireer jou om positief te bly en te volhard in jou aksies om suksesvol te wees.
- Agter in die boek kan jy skriftelik sukses-oefeninge doen.
- Met hierdie boek kan jy ook jou kinders leer om suksesvol te lewe.
_________
Wat het jy dringend nodig?
Wat wil jy baie graag regkry?
Wat wil jy baie graag regkry?
Watter droom wil jy laat waar word?
Dan is Hennie se nuutste boek GLO, om
te kry wat jy nodig het, net die boek vir jou! Jy kan kry wat jy vir ʼn betekenisvolle lewe
nodig het, deur te glo. Om te glo, behels ʼn spirituele krag waaroor elke
mens beskik – ook jy. Die uitdaging is net om hierdie krag te kan uitoefen. ʼn
Sielkundige studie van Jesus se lewe as mens wys hoe Hy vir ons die voorbeeld
gestel het om te glo. Omdat liefde die
grondslag van glo is, bevat die boek ook 31 Dagstukke waarin gewys word hoe Jesus liefde vir almal gegee het as
voorbeeld hoe ons dit ook moet doen.
Bestel boek per e-pos:
Bestel boek per telefoon by:
On The Dot : 0861 668 368
_________
In hierdie boek staan die volgende aspekte uit:-
1) Die boek is uniek omdat dit die eerste boek in Afrikaans is wat vanuit die Spirituele Sielkunde, wat tans na vore tree, geskryf is.‘nVerduideliking word gegee van wat hierdie sielkunde behels en hoekom dit in ons era ontstaan. Met hierdie sielkunde word bespreek hoe die mens sy probleme kan oorwin.
2) Die boek handhaaf die stelling dat die lewe vol kontraste is en ‘n verduideliking word gegee hoekom dit die geval is, naamlik dat alle dinge relatief is. Met ander woorde niks bestaan op sy eie nie, dit bestaan in relasie met sy teenoorgestelde. So byvoorbeeld bestaan liefde in verhouding met haat, en plesier bestaan in verhouding met die pyn van probleme. As gevolg van hierdie feit is die siening dat negatiewe teenpole soos byvoorbeeld haat of twyfel of pyn die gevolg van sonde is, nie korrek nie.
3) Die kontras van siel en liggaam vorm die kern van die boek en die klem word daarop gelê dat jy as mens ‘n siel met ‘n liggaam is, en nie ‘n liggaam met ‘n siel daarin nie. Die boek wys hoe jy as siel jou probleme met sielskrag kan oorwin. Die klem word gelê op die mens se verantwoordelikheid om met sy sielskrag sy probleme te oorwin en om nie voortdurend slegs vir God te vra om dit vir hom te doen nie.
4) ‘n Verdere unieke aspek van die boek is dat die nuwe siening oor wie God is gehandhaaf word, naamlik dat God nie ‘n persoon is nie maar ‘n spirituele krag wat in alle dinge en in mense werksaam is. God is in jou en bewerk dinge in jou lewe wat jou ten goede strek..
5) Die boek is veral daarop gemik om die leser te help om die betekenis van sy lewe te vind en uit te leef en nie toe te laat dat sy probleme hom daarin stuit nie.
(Die boek is tans beskikbaar en kan hier bestel word.)
_______________________________________________________________
DIT IS HENNIE SE
NUUTSTE BOEK
Hierdie boek is ’n Engelse vertaling van die boek : Hoekom is ek hier? wat’n top verkoper was en
drie maal herdruk is en nog steeds in aanvraag is.
Die boek is deur
Logos Boeke gepubliseer, waarvan Hennie die eienaar is.
“To exist with meaning” is nou ook as e-boek beskikbaar by Amazon.
“To exist with meaning” is nou ook as e-boek beskikbaar by Amazon.
Dit was Hennie se
eerste boek en handel oor die siening van Viktor Frankl wat die betekenis van
jou lewe is. Dit is in die vorm van ‘n kursus geskryf met 30 afdelings wat in
een maand gevolg kan word. Dit het ‘n praktiese toepassing by elke deel. Die
leser word gehelp om die betekenis van sy lewe te vind en hoe hy dit moet
verwesenlik.
Frankl is van mening
dat die mens se grootste motivering en behoefte nie daarin bestaan om sy
seksuele behoeftes te bevredig nie, ook nie om sy mag te beoefen soos Adler
gedink het nie – dit bestaan in die soeke na sy betekenis en om dit te vervul. Dle klem word daarop gelê dat jy slegs
gelukkig kan lewe wanneer jy jou unieke betekenis vervul asook wanneer jy die
lewe vir jou betekenisvol maak. Soos Hennie self sal jy besef dat niks jou help
om gesond te bly en krisisse te oorwin soos die wete dat jy nog ‘n lewensdoel
het wat jy wil vervul nie.
_______________________________________________________________
Dit is noodsaaklik
om hierdie boek te lees aangesien dit verduidelik hoe ons van die siel vergeet
het asook van die betekenis van ons lewe en in ‘n materialistiese leefwyse
beland het wat ons vernietig.
Die boek bespreek wat die siel is en hoe dit
jou help om die betekenis van jou lewe te vervul. Dit verduidelik hoe die
sieninge van Plato en Descartes ons mislei het om te dink dat die siel êrens in
ons verskuil lê en hoe ons die bygeloof ontwikkel het om te dink dat alles
slegs om ons liggame in vorm gaan. Gepaard daarmee het ons vir baie jare slegs
op die uiterlike sigbare dinge in vorm gefokus en van die siel vergeet. Met die
industriële revolusie het mense begin om slegs op die fisiese dinge met vorm te
fokus wat daartoe aanleiding gegee het dat hulle ‘n materialistiese lewe geskep
het waarin dit slegs om die fisiese dinge met vorm gaan. Die tegnologie het
ongelooflike dinge geskep wat almal graag wil hê. Hierdie leefwyse vernietig
ons omdat ons hard moet werk teneinde die rekenings te betaal van al die
vormlikke dinge wat ons gekoop het. Tans wil mense nie meer hierdie dinge hê
nie. Hulle is op soek na die onsigbare spirituele dinge wat betekenis aan die
lewe gee.
‘n Spirituele ontwaking het ontstaan waarin
besef word dat jy nie ‘n siel hèt nie maar dat jy ‘n siel is. Dit word besef
dat jy nie jou liggaam met ‘n siel is
nie, jy is ‘n siel met liggaamlike ervarings. In detail word bespreek wat
jou aard en eienskappe as siel is. As siel kry jy die insig oor wat die
betekenis van jou lewe is en help jou om die betekenis van jou lewe te vind en
uit te leef. Verder word gewys hoe die mens
as siel nou na vore tree in die wetenskap, die godsdiens en die kerk asook in
die sielkunde.
Op ‘n praktiese wyse word jy as siel gelei om
jou sielseienskappe te laat geld in jou alledaagse lewe. Daar word ook gewys
hoe demokrasie ontstaan het teneinde die vryheid van die mens as siel te laat
geld, maar hoe daar nog nie in geslaag word nie as gevolg van die oorheersende
materialisme wat slegs op die uiterlike ding in vorm konsentreer.
(Die e-boek YOU ARE A SOUL is nou by Amazon-Kindle beskikbaar)
_______________________________________________________________
Die boek handel oor
die huidige tendens by mense om weg te breek van die gejaagde materialistiese
leefwyse, veral in die stede, wat hulle vernietig en êrens in die boendoe in
afsondering gaan bly teneinde die
betekenis van lewe te ervaar en spiritueel te ontwikkel. Dit word bespreek hoe
jy dit kan regkry met die instelling om slegs die dinge wat jy nodig het te
bekom en nie al die dinge wat jy wil hê nie. Die geheim is om drie dinge te
doen naamlik: vereenvoudig, vereenvoudig vereenvoudige jou leefwyse.
Daar word egter ook leiding gegee aan diegene
wat nie kan wegbreek van die plek waar hulle bly nie en hoe hulle te midde van
hul materialistiese omgewing moet leef teneinde spiritueel te ontwikkel en
gelukkig te lewe en die ware betekenis van lewe te ervaar.
Aangesien Hennie self weggebreek het en in ‘n
klein dorpie in die Karoo gaan bly het, vertel hy van sy lewe in eenvoud weg
van die eise van ‘n materialistiese omgewing en hoe dit sy spirituele
ontwikkeling bevorder het en ‘n ongekende gelukkige lewe meegebring het. Daar
kan hy sy unieke taak om die betekenis van sy lewe te vervul, naamlik om boeke
te skryf.
(Hierdie boek is twee maal herdruk maar is
tans uitverkoop.)